Jernframstillingsanlegg med slaggblokkar. Jernvinneanlegget ligg nord for/i Øyangen, ca 150 meter aust for Beitoodden. Anlegget ligg rett sør for ein mindre tange. Slagget har ein utstreknad på om lag 50x50 meter, og består av heile slaggblokkar og mindre slaggbitar. Det ser ut til å vere slagg ifrå to omnar/arbeidsområde. Arbeidsområdet lengst mot nord ligg mest sannsynleg under torv og er ikkje vaska fram. Arbeidsområdet lengst mot sør ligg på ein liten kulle, toppen av kullen er nokså flat og er tydeleg planert og tilrettelagt. Slagget er vaska fram i dagen når vatnet er lite. Det ligg bevart kulturlag under slagget og sanden.