Funnmaterialet bestod av 34 artefaktar i form av ei mikroflekke, eit flekkeliknande avslag, ein borspiss, ei blokk og 30 avslag. Råstoffsamansetjinga syner bruk av flint (1), kvarts (7), kvartsitt (2) og mylonitt (24). Stratigrafien i dei funnførande prøvestikka synte ei torvdekning på 20-45 cm. I det eine prøvestikket var torva i blanda sand. Torvlaget var i dette tilfellet funnførande. Under torva låg det funnførande laget, eit brungrått sand/gruslag. Det funnførande sjiktet hadde ein tjukkleik på 5-15 cm. Alle prøvestikka vart gravd ned til berg. Stratigrafien verka uforstyrra av nyare tids verksemd. Ut i frå råstoffsamansetjinga på lokaliteten og førekomsten av mikroflekketeknikk kan lokalitet 41 dateras på generelt grunnlag til seinmesolitikum-neolitikum. Med bakgrunn i strandlinjekurvene for området kan ein anta ei strandlinjedatering til ca 5500-6000 BP dvs. seinmesolitikum. På bakgrunn av ei samla vurdering av funnmateriale og strandlinjedatering reknas lokalitetens bruksfase å ha tilhøyrt siste del av seinmesolitikum.