R 130305 består av to tufter, 2 steingardar og eit positivt prøvestikk med eit mogleg avsviingslag. Lokaliteten er delt av ein veg. Nord for vegen ligg ei tuft, S1, ein steingard og det er her det positive prøvestikket vart gravd. Alt dette er på ei lita flate, nedanfor er det hellande terreng ned til vegen. Sør for vegen er tuft S2 og resten av steingarden. Verken S1 eller S2 er særleg godt markerte i terrenget. Lokaliteten ber preg av å vere ei slåtteeng, med sine graskledde flater og skråningar. Einbusker og lauvtre dominerer i utkanten av lokaliteten. I PS1 vart det observert stratigrafi. Under om lag 15 cm torv og gras er det eit grått, sandig, kolhaldig lag, tolka som mogleg dyrkningslag. Under dette laget er ei kollinse, tolka som mogleg avsviingslag. Kollinsa viser ein datering til romersk jernalder.