Beskrivelse fra lokalitet:
Kleberbrotet er 2-3 m høgt, ca. 62 m langt og 24-30 m breitt. Knausen er litt oppstykka og delvis overgrodd med mose, lyng og fjellbjørk. I S går den i eitt med terrenget medan det i V og N er markerte hamrar. Kleberen er hard og lite lagdelt. Det er merke etter uttak av gryter 4 stader på sidene av knausen, 3 langs V-veggen og 1 i NA. Verksemda har føregått på overflata, men enkelte stader er knausen litt innhogga. Uttak må og ha føregått under dagens markoverflate. Uttaka syner seg hovudsaklig i form av jamne forsenkingar 30-60 cm vide, opptil 20 cm djupe. På knausen er det i dag merke etter ca. 85 uttak. 5 bolleforma gryteemne står att i veggen. Tjønneland har tidligare sett produksjonsavfall særlig langs V-veggen. Verken avfall eller avfallshaugar var synlige p.g.a. vegetasjonen.
Beskrivelse fra Enkeltminne:
Det er fire brotstader på kleberknausen. På det SV hjørnet har eit 10x2 m stort område vorte utnytta. Her er merke etter ca. 30 uttak derav ei påbyrja gryte. Enkelte stader står forsenkingane tett. Midt på V sida (langsida) er eit 3,2x2,7 m stort område utnytta. Det er merke etter ca. 10 uttak. I det NV-hjørnet er eit 9x2 m stort område utnytta. Det er merke etter 10 uttak derav 2 gryteemne. I det NA-hjørnet har eit område på 10x1,2 m vorte utnytta. Det er merke etter ca. 30 uttak derav 2 gryteemne. Bolleforma kar av kleber er kjent nytta i vikingtid og mellomalder. Verksemda er derfor mest trulig knytt til denne perioden. Eit minehol i det SV-hjørnet tyder likevel på noko nyare aktivitet.