Beskrivelse fra lokalitet:
Steinalderlokalitet frå ca. BC 7500.
Beskrivelse fra Enkeltminne:
Denne lokaliteten ligg ein rundt 70 m nord-nordaust for ID134315 (lok.7). Den er ei flate med spreidd blandingsskog, veldig fuktig og nesten som myrdrag å rekne. Lokaliteten avgrensast av ein bergknaus i vest, ei svak stigning og så knaus i sør, knaus og svak helling opp i aust, samt negative prøvestikk. To positive prøvestikk gav til saman 1 flekke og 10 avslag av flint. Grunna myrpreget er torvlaget tykt her, opptil 60 cm. Funna vart difor gjort djupt, frå 40-80 cm. Under torvlaget ligg det eit grått gruslag, men det er uråd å skilje ut detaljar, av di prøvestikka fylte seg opp med vatn medan ein grov dei. Det er difor mogleg at det kan ligge flint endå litt djupare, sjølv om det ikkje er truleg. Den flinten som vart funne kjem frå ulike delar av gruslaget. Om dette skuldast at fuktigheita gjer undergrunnen laus og at flinten difor flytter seg gjennom laget eller om det er snakk om ulike deponeringar skal vere usagt. Høgda over havet er ca. 75-80 m, og lokaliteten bør difor daterast til ca. 7500 f. Kr. Storleiken er nærare 13x11 m (ca. 115 m²).