Det vart til saman grave 6 prøvestikk på lokaliteten, 3 var funnførande. Mykje av flinten er frostsprengt og ser ut til å komme frå same bit/kjerne, særleg i PS 1. Tilsaman vart det gjort 28 funn. I PS 2 og 3 var det mellom 30 og 40 cm med torv og myrjord over et funnførande lag med sand og grus. Det funnførande laget var her mellom 15 og 20 cm. I Ps 3 var det blågrønn finare sand under det funnførande laget, mens det i PS 2 var ein storstein. I PS 1 var det funnførande sand/gruslaget rett under 5-10 cm torv. Sand/gruslaget hadde lommer med finare massar i mellom. I botn av prøvestikket var ein stor stein. Lokaliteten ligg på mellom 0-5 moh i ei fin lita vik. Då det er gjort ei avgrensa mengde funn er lokaliteten truleg eit aktivitetsområde og ikkje ein buplass. Lokaliteten er avgrensa av negative prøvestikk og topografi i nord, aust og vest. Mellom lok 1 og 2 er det teke 5 negative prøvestikk. I fjæra vart det plukka opp ein tangespiss, A-pil i flint. Denne var svært patinert. I tillegg vart det funne 2 avslag i flint, begge patinert. Det er naturleg å sjå desse i samband med lokaliteten. Funn av A-pil indikerer ein tidleg neolittisk datering.