Den austlege delen av buplassen er oppgreven/forstyrra. Kulturlaget er blanda med matjord og lagt utover sentrale delar av buplassen. I vegtraseen er buplassen heilt øydelagt, det er greve ned til berg. Den delen som ligg utanfor vegen er for det meste intakt, men funnførande masse er lagt oppå torva/grasbakken. Prøvestikka viste følgjande stratigrafi: PS 1: 0-10 cm: grastorv, 10- 35 cm: torv, 35-43/45 cm: grus og småstein (funnførande) som ligg rett på skråande berg. PS 2: 0-10 cm grastorv, 10-35 cm: steinete, kolhaldig gruslag, funnførande. Berg. PS 3: 0-5 cm: grastorv, 5-25 cm: trekol blanda med matjord, 25-45 cm: torv, 45-70 cm: kompakt gråbrunt stein/gruslag, øvre del er funnførande. Berg. PS 4: 0-10 cm påførte massar, 10-30 cm mørk brun torvhaldig matjord, 30- 45/50 cm: trekolhaldig sand/gruslag, funnførande. Berg. PS 5: 0-10 cm: omrota masse (funnførande). 10-30 cm: funnførande gråbrunt sand/gruslag. Berg. PS 6: 0-5 cm: omrota masse, 5-35 cm: brun torv, 35- 65 cm: mørk grå til gråbrun sand/gruslag, 65-75 cm: grov sand. PS 7: 90 cm torv rett på berg (funntomt). PS 8: omrota masser ned til botn (stein/ helle) 65 cm. I delen av lokaliteten som er intakt, er det eit funnførande 15-25 cm tjukt grus/sandlag. I prøvestikka vart det funne totalt 54 funn, råstoffa varierer mellom flint, rhyolitt, kvarts, bergart og mylonitt. Rhyolitt tyder på bruk av lokaliteten i tidligneolitikum. Det kan ikkje utelukkast at lokaliteten har fleire bruskfasar, bipolar teknikk kan indikere bruk også i sein mesolitikum. Det er og plukka ei rekkje funn i jordhaugar som kjem frå den øydelagde delen av lokaliteten. Tilsaman er det plukka opp 185 funn, lausfunna støttar opp under bruk av lokaliteten i seinmesomlitikum/tidligneolitikum. Ein del av funna er vassrulla eller patinert.