Tufta framstår som ei forhøgd flate i skråninga med ein oppbygd steinmur i V. Muren består av flate ståande stein med lausmasser i mellom. Avdekking av torv inne i tufta synte små heller i plan som kan vere restar etter eit golvfundament. Tufta er klart avgrensa av kortsidene i N og i S, med svakt oppbygde murar. Dei NV og SV hjørna er godt synlige. I V har tufta rasa noko ut, men framstår framleis ganske klart i terrenget. Tufta er trulig frå mellomalderen og kan ha ein samanheng med klosteranlegget. Vikane nedanfor tufta er gode til å trekke båtar på land.