Sjakt 15 er 46,5 meter lang og om lag 3,4 meter brei. Sjakta er lagt i nord-sør retning, og har eit flatare parti i midten og helling både i nordleg og sørleg retning. I aust, i området der sjakt 17 vart gravd er hellinga sterkare. Funna i sjakt 15, som er rester av to kokegroper/eldstader, vart gjort i den midtre delen av sjakta, der terrenget er forholdsvis flatt. Overdekkinga her var om lag 30-40 cm tjukk, og undergrunnen er raud grus/aur og mykje berg og stor stein som ligg heilt opp i torva. I den delen av sjakta kor dei to strukturane, S 15-1 og S 15-2 låg, var det også ei sterkt kolblanda linse midt i matjordlaget. Dette vart i felt tolka som ei mogleg moderne forstyrring. Årsaka til dette er at området nord for lokalitet 2 har vore nytta til å grave ned og brenne avfall i nyare tid. I den nordlege delen av sjakt 15 var det nedgravd stokkar og treverk, og i sjakt 17 var massane svært omrota etter moderne aktivitet, og det var påfylt med plast, treverk og stein.