På lokaliteten er det registrert 8 tufter, 6 kolgroper og ei blestertuft. Blestertufta er radiologisk datert til tidleg mellomalder. Fleire av tuftene har form og utsjånad som tyder på ei datering til jernalder og/eller tidleg mellomalder. På lokaliteten er det spor etter både jernvinne og øydestøl. Nokre av tuftene kan vera frå etterreformatorisk tid, men dette er uvisst utan ei nærare undersøking. Slepa frå Hardangervidda går innom lokaliteten. Anleggsvegen langs Valldalsvatnet går like oppom lokaliteten. Det er synlege strukturar inne i blestertufta (groper) og omnsanlegg mot NV hjørne. Blestertufta (A 11) framstår som eit serleg godt døme på denne typen kulturminne, og er i god stand med klåre rette murar. Ei to-romstuft ligg vest for blestertufta. Berre blestertufta er radiologisk datert på lokaliteten. NB! Lokaliteten er overflateregistrert i løpet av eit par kveldstimar. Det er difor svert truleg fleire kulturminne på lokaliteten, og i området generelt.