Om lag 50 cm under overflata vart det her registrert eit 15-30 cm tjukt, mørk brunt, noko feitt lag med spreidd trekol (lag 3), moglegvis restar etter dyrking. Prøvestikket vart utvida til om lag 2x1 meter for å avklare dette laget. I austre kant av prøvestikket er lag 3 kutta av ein bergrygg som skrånar oppover. Området vest/nordvest og nord/nordaust for prøvestikket er ikkje rydda, og her ligg mykje stor stein som ei naturleg avgrensing. Aust og søraust for prøvestikket skrånar terrenget bratt ned mot bilvegen. Her er dyrkingsflata avgrensa med fem negative prøvestikk.