Beskrivelse fra lokalitet:
Steinalderlokalitet, truleg frå seinmesolitikum
Beskrivelse fra Enkeltminne:
Lok. 2 vart påvist fyrst i PS21 med 1 lite avslag i flint. I søket etter omfanget av lokaliteten vart det påvist flint i 7 andre prøvestikk. Det vart gjort funn av 10 avslag til saman i dei 8 funnførande prøvestikka, der alle utanom PS30 hadde 1 lite avslag kvar. Dette må reknast som ei høvesvis lita funnmengde, men i omkrins er lokaliteten ikkje så liten. I grove trekk er den nærare 50 x 20 meter, noko breiare i norddelen. Lokaliteten fylgjer terrenget og går mellom høgdekvota 40 og 45 meter. I denne høgda ligg ein flat terrasse i terrenget, og Lok. 2 ligg i den sørlege spissen av denne flata. Lokaliteten avgrensast av negative prøvestikk og ganske sterk helling av terrenget i søraust, negative prøvestikk og bergformasjonar i sørvest, berg i vest og negative prøvestikk i nord og nordvest. Undergrunnen består i all hovudsak av ein podsolprofil med sand som er lett å sålde, og funna ligg i djupn 15-35 cm, frå toppen av anrikingslaget og eit lite stykke ned i dette. Med tanke på at dei fleste lokalitetane frå eldre steinalder vert tolka til å ligge i strandkanten, kan vi ut i frå strandlinjekurvene grovt datere denne lokaliteten til ca. 5100 ¿ 4600 f. Kr., seinmesolitikum og fase 3 av Nøstvetfasen.