Lokaliteten blei påvist ved funn av tilverka flint og trekol i prøvestikk (10-15 cm under overflata i sand) tatt i ein kring 4 m (N-S) x 6 m (A-V) stor opning i einerkrattet like SSV for ein VSV-ANA gåande berghammer. VSV for lokaliteten er ei steinur. Lokaliteten er ikkje tilstrekkjeleg avgrensa, fordi det tette einerkrattet vanskeleggjorde arbeidet, og funnførande område strekkjer seg truleg lengre mot V og A. Det er også tenkjeleg at myra sønnafor kan ha lagt seg over søre delar av buplassen. Lokaliteten er avgrensa mot N. All masse under torv i funnførande prøvestikk blei vass-sålda. Funnmaterialet utgjer 7 artefakter; 6 avslag, 1 mikroflekke.