Lokalitet 4 ligg på på Laupsa gnr. 51 bnr 36 på eit relativt flat hylle på sydside av Laupsaelva ca 28-31 meter over havet, figur 34. Området er prega av gjengroing med lauvskog, og har truleg vorte brukt som slåttemark tidlegare. Aust for hylla er det ein bratt, 9 meter høg, skråning/fjellvegg. På lok. 4 vart det dokumentert 9 strukturar i 2 sjakter (sjakt 11 og 12). Struktur A14 i sjakt 11 vart datert til romertid. Lokaliteten er om lag 350 kvm og er naturleg avgrensa i syd og aust av berg/fjell som i syd er synleg i sjakt 11 og 12. I nordaust fortsett eit lite daldrag ned mot elva. I nordvest viser sjakt 12 at det er grunt ned til fjell og funntomt. Stikkstangen vart brukt til å vurdere områda lenger nord. Her var det grunt ned til berg samt tettare skogvegetasjon. I vest er lokaliteten avgrensa topografisk, terrenget skråner bratt nedover mot sjøen i ukanten av flaten. Ni strukturar vart observert: 7 i sjakt 11 og 2 i sjakt 12. To av strukturane er tolka som eldstad, A14 og A23. Dei andre er av uviss funksjon. Det er tatt ein 14C prøve frå snitt gjennom A14 (TRa-945). Resultat var ein datering til romertid (AD 260-405). Rundt struktur A18 vart det observert det som vart tolka som seks små staurhol. Ein vart snitta. Den var 5 cm djup med svak skråande vegg. Ingen av de andre strukturane er datert eller snitta.