Fangstanlegget ligg i den vestlege enden av platået på Syringefjellet. Platået er prega av steinur og oppstikkande berg. Frå toppen i midten av lokaliteten heller terrenget svakt austover. Det er 39 bogastelle i anlegget, og dei ligg grovt sett i to rekker, med nokre unntak. Den vestlege rekka består av 15 bogastelle, og strekker seg over det høgste punktet på syringefjellet. Den austlegaste rekka består av 24 bogastelle. Det nordvestlegaste bogestellet på loakliteten er orientert mot vest-sørvest, medan alle dei andre har ei austleg orientering. Dei bogestella som ligg på den sørlege delen av lokaliteten er grovt sett orientert mot nordaust, medan dei på den nordlege delen av lokaliteten grovt sett er orientert mot søraust. Lokaliteten omfattar eit område på kring 350 meter i diameter. Tre bogestelle ligg kring 60 meter aust for den austlegaste rekka. Den midtre av desse var delvis dekt av ei snøfonne. Fonna strakk seg nokre hundre meter austover, og det kan hende fleire bogestelle ligg under fonna. Avgrensinga mot aust er difor svært usikker, medan den nordlege og vestlege avgrensinga er stup. Nedkomsten frå fjellet utgjer den sørlege avgrensinga. Her vart det ikkje funne bogestelle.