Helleren er ikring 10 m lang, men berre den SO-delen er nytta til buplass. Det er den øvste delen av helleren. Frå dropefallet og inn til inste veggen er avstanden ikring 3 m. Det ser ut til at den flata som har vore nytta til buplass er ikring 12 - 15 m2. Det vart teke tre prøvestikk. Eitt i den delen som har vore nytta til buplass. Dette stikkket synte svart kolblanda jord med små steinar i ca. 50 cm djupn. Botnen vart ikkje nådd. Eit anna prøvestikk vart teke noko NV for bustadområdet. Det synte brunaktig mold utan særleg mykje kol. Det syntes ikkje å vere kulturlag. Eit siste prøvestikk vart teke rett utom helleren på O-sida. Under 30 cm mold kom ein her ned på eit kulturlag som bestod av kolblanda jord og mindre steinar (tverrmål 3 - 10 cm). Dette laget såg ut til å vera ikring 15 cm tjukt.