Røysa måler 10,5 m VSV-ONO og 9 m SSO-NNV. Høgda er ca. 0,6 m i sentrum, noko lågare ut mot kanten. Røysa er bygd opp av kanta steinar/blokker som er frå 0,15 m til 0,95 m store. Dei fleste er omlag 0,35 m store. I sørvestre del av røysa er det eit søkk som er 2,5 m langt NNV-SSO, 1,5 m breit VSV-ONO og opp til 0,5 m djupt. Røysa er delvis dekt av lyng og mose. Kantane er ikkje klårt markerte, men stein kan kjennast under torva.