Den sørlegaste av røysene (fk. 1/3) ligg i ei bakkeskråning ned mot stranda omlag 10 m V for strandkanten. Framfor røysa i V ligg mykje stein av same karakter som dei røysa er bygd av. Eit belte med slik stein går SV-over langs strandkanten så langt ein kan sjå i denne retninga. Røysa måler 8 m i tverrmål og er 0,5 - 1,0 m høg. Ho er bygd av steinar/blokker av storleik 0,1 - 0,8 m. Røysa er i det vesentlege bygd av nakne steinar, men er i dag delvis mosegrodd. I sentrum av røysa ligg to store steinblokker, båe omlag 1,2 x 0,8 m. Omlag 6 m NNV for denne røysa ligg røysa fk. 1/2. Ho måler 8 m i tverrmål og er heilt låg. Rundt røysa veks det ein del brakebusker. Røysa er bygd av steinar/blokker av storleik 0,1 - 0,8 m og dei er delvis mosevaksne.