Eit 1x1 m vidt prøvestikk 8 m N for fjøsveggen synte eit om lag 20 cm tjukt kolhaldeg og funnførande kulturlag under ein halv meter med dyrkingsjord. Prøvestikket vart teke på ei flate som strekker seg om lag 15 m N for fjøsveggen. Grensene for lokaliteten ligg truleg innanfor denne flata. Staden er godt skjerma mot O og V av bergrygger som går i same retning som dalføret. I prøvestikket vart det funne avslag av grøn diabas, kvartsitt og flint, ei slipeplate og ein knakkestein.Seinare vart her funne fleire diabasavslag, eit retusjert flintavslag og ein flintkjerne.I september 1977 vart det garve ut ei tomt i søre delen av buplassområdet i samband med utviding av driftsbygningen.