Totalt 7 tufter er registrert ved Slakken i Sogndal kommune om lag 600 m.o.h. Gjennom lokaliteten går det ei høgspentlinje. Denne går rett gjennom tre av tuftene. Alle tuftene har fått påvist kol i golvet. 5 av tuftene er hesteskoforma. Den eine av dei to tuftene som ikkje er hesteskoforma ser ut som ein dobbel hestesko. Det er mogeleg at dette har vore to hus som har delt midtvegg. Den andre tufta som skil seg ut har ei meir rektangulær form, men med opning langs heile eine langsida. Ei av tuftene ligg om lag 3 m frå stolpane til høgspentlinja. Tufta er hesteskoforma og har opninga truleg langs den eine kortveggen. Frå denne tufta og til den næraste tufta går det ein sti som går vidare til Varden. Mellom desse to tuftene går det ein steinmur. Ved lokaliteten ligg det eit sel, i tilleg til at ei grov går gjennom dela av lokaliteten.