Røysa som vert kalla "Vikinggrava", er kring 9 m i tverrmål, 0,5 m høg og tilvaksen med grastorv og mose. Markeringa av røysa er heller klår, særleg i nordlege halvdel, der det delvis er mogleg å følgje ei fotkjede av opptil 0,6 m store blokker som er tilvaksne med gras og mose. I sentrum av røysa er det eit søkk som er kring 3,5 m langt, 2 m vidt og orientert NNV-SSO. I nordaustre kant av søkket stikk ei helle opp, orientert NO-SV. Hella er kring 1 m lang. Midt i søkket står to samanvaknse bjørker. I vestre kant av røysa står eit stort rognetre, og det veks elles ein del einebusker og lauvtre på røysa.