Øydeåkeren eller reita er tilnærma firkanta og måler kring 16 m O-V og 14 m N-S. Ho er grasvaksen og hallar lett mot SV. Her veks nokre einebusker og ein del steinar stikk i dagen. Reita er omgjeven av ein delvis nedrasa steingard av 0,2 - 1 m store steinar/blokker. Steingarden er no 1 - 2 m brei og opptil 0,5 m høg. På reita ligg det to rydningsrøyser. Den eine ligg i nordre del, 2 m S for steingarden. Ho er 3 x 2,5 m stor, orientert O-V, og 0,5 m høg. Røysa er tilvaksen med mose, gras og eine, men ein del steinar stikk i dagen. Den andre rydningsrøysa ligg i søre kant av reita. Ho er 5 m i tverrmål, 0,5 m høg og tilvaksen med gras, mose og eine, men ein kan kjenna steinar under vegetasjonen. Steingarden går over røysa.