Røysa er ca. 17 m i tverrmål. Det er noko vanskeleg å fastslå naturleg høgde av di ho ligg på ein naturleg bakke, men den oppbygde delen tykkjest å vera 1,5 - 2,0 m. Den vestlege halvdelen er kring 0,5 m lågare enn den austre. Skiljet er markert, og det er vanskeleg å avgjere om det har si årsak i utkasting eller om ho ikkje har vore ferdig oppbygd opphavleg. Røysa er heilt tilgrodd med grastorv. Nokre steinar stikk fram i dagen. Ho er tilvaksen med bjørke- og oretre og omgjeven av blandingsskog. Denne røysa og røysa R 005 (fk. 1/1) som ligg 75 m lenger mot NNV, vert kalla for "Runakollane".