Røysa måler 11 x 8 m, orientert SSV-NNO. Ho er låg og omrota, bygd av 20-80 cm store kanta steinar/blokker. I søre delen er ein om lag 2,5 x 2 m vid og 1,0 m djup innhegning, tilvaksen av bregner. I søraustre hjørnet er bygd ein 1,20 m høg og 0,6 m brei varde. Det er eit lite søkk i nordaustre delen av røysa. Røysa er synleg i lendet, men heller dårleg markert. Mesteparten av røysa er berr, men ho er tilgrodd av lyng i NV. Tett inntil kantane veks gras, lyng og rognebusker.