Gardsanlegget har ei utstrekning på 300 m x 150 m orientert NNV-SSO. Det inneheld ei rekkje tufter og røyser. Lengst i N ligg tuft 1. Ho er orientert ONO-VSV og måler 6 x 3,5 m. Veggene er bygde av steinheller og ein kan sjå inngangar på båe langsidene. Tufta er grasvaksen i midten. Like SO for denne ligg tuft 2. Ho måler 6,5 x 3,2 m, orientert VNV-OSO. Veggene er bygde av steinheller og tufta er grasvaksen i midten. SV for denne tufta heilt framme på bakkekanten ligg tuft 3 som ser ut til å vera ei vinkeltuft. Ho måler 25 m N-S og 18 m O-V og er heilt overgrodd med gras. Like sør for tuft 3 ligg ein del rydningsstein, som om mogeleg kan vera restar av ei tuft. 44 m SO for tuft 3 ligg nok ei vinkeltuft, tuft 4. Vinkelbeina måler 11 m og 8,5 m. Tufta er grasvaksen. Tuft 5 ligg like S for tuft 4. Ho måler 17 x 8 m og er gras- og mosevaksen. Tuft 6 ligg på ei hylle nedanfor den store flata med tuftene 1-5, 35 m SV for tuft 4. Ho måler 16,5 x 5,5 m og er grasvaksen. Tufta ser ut til å ha vore delt i tre rom. Ein finn hellelegging mellom det nordlege og det midtre rommet. Inngangen har truleg vore på langsida i V. Tuft 7 ligg 21 m SO for tuft 6. Ho er orientert N-S og måler 14 x 9 m og er grasvaksen. Tuft 8 ligg framfor ei stor steinblokk som ligg ute på flata. Tufta måler 7,5 x 4,5 m og er grasvaksen. 37 m V for tuft 7 ligg røys 1. Ho måler 6 m i tverrmål, er låg og grasvaksen med nokre steinar som stikk i dagen. 28 m SSO for røys 1 ligg røys 2. Ho måler 4 m i tverrmål, er låg og grasvaksen og i midten er eit djupt søkk. 18 m SV for røys 2 ligg røys 3. Ho måler 4 m i tverrmål, er låg og grasvaksen og har eit søkk i midten. 17 m V for røys 3 ligg røys 4. Ho er låg, måler 2 m i tverrmål og er heilt grasvaksen. 6 m OSO for røys 4 ligg røys 5. Ho er låg, måler 6 m i tverrmål, og er grasvaksen med nokre steinar som stikk i dagen. 11 m NNO for røys 4 ligg røys 6. Ho er låg, grasvaksen og måler 3 m i tverrmål. 10 m NNO for røys 6 ligg røys 7. Ho er låg, grasvaksen og måler 3 m i tverrmål. Røysene 1-7 er alle av same karakter. Det kan vel liggje fleire av dei på denne flata då det er noko vanskeleg å få auge på dei av di dei er låge og heilt tilvaksne med gras. Nede på elvesletta kring 15 m NNO for brua som går over Skarelva, ligg tuft 9. Ho måler 17 x 6 m, orientert VNV-OSO, og ser ut til å ha vore delt i 4 rom. Ein kan sjå to inngangar på langsida i N. Denne tufta er den sørvestlegaste av tuftene/røysene innan det registrerte området. Einskilde tufter er dessutan observerte rundt i området utanfor terasseflata, t.d. i NO oppe på ei mindre flate, i N på ei flate 150-175 m.o.h, nede på sjølve elvebreidda og i SO og SSO på andre sida av Stolaelva. Ut frå dette er det rimeleg å tru at alle flatare parti av dalbotn har vore nytta i samband med tidlegare tiders gardsdrift. Det registrerte området utgjer berre den delen der tuftene og røysene er klårt synlege og ligg relativt samla. Det er difor grunn til å streka under at heile området her i Kikedalen må sjåast som ein einskap. Det kulturhistorisk interessante området er såleis mykje større enn det som er gjeve R-signatur på kartet.