Røysa er bygd av rullestein med storleik som vekslar mellom 10 cm og 100 cm i diameter. Røysa er grasvaksen og stort sett urørd i austre delen, medan vestre delen er sterkt forstyrra. Like V for midten ligg ei 6 x 8 m nedskoren garasjetomt. Rett O for denne ligg ein 7 x 5 m betongplatting etter eit revehus. Nett V for desse går ein veg gjennom røysa og fram til løa som ligg V for røysa. I juni 1977 vart det grave ein ny veg gjennom røysa og fram til løa og dessutan vart det grave ein ny veg langs med vestlegaste kanten. I sørskjeringa til denne vegen der røysa ligg, kan ein sjå ein 4 m lang og 1/2 m høg rett tørrmur. Denne muren er truleg restar etter hus som har stått oppå røysa i nyare tid. Både i tomteskjeringa og i den nemnde vegskjeringa ligg mykje rullestein. Mest torvfri stein ligg på sørsida av røysa. Desse er truleg kasta ut i samband med bygging av garasjetomta.