Her vart oppsamla kvarts, ryolitt (årekvarts) og flint på dei partia av platået som var dekka av mold og grus. Platået elles var lynggrodd. NB! Omlag 60 m V for nordre del av denne lokaliteten ligg eit lite søkk, godt skjerma på alle kantar, med unnatak av i SV. Høgda over havet er kring 22 m. I mold- og gruslag som var berrlagde på overflata, vart det funne ein flintkjerne og eit noko tildanna (retusjert) avslag av flint (B 12934). Prøvestikk i området gav negative resultat. Denne lokaliteten vart kalla Ivarsøy lok. 4.