Gravhaugen fk.nr. 1/1 er ein langhaug, 25 x 7 m vid, orientert NV-SO, kring 1,5 m høg. Nordvestlegaste kanten av haugen ligg 140 m OSO for den nordlegaste enden på steingarden. Haugen har ein skarp rygg og er tilvaksen med grastorv over det heile. Heilt i den søraustlege enden av haugen stikk nokre 30-60 cm store steinar/blokker i dagen. I toppen på haugen i den søraustlege halvdelen er det to godt 1 m vide, grunne søkk. Tvers over den nordvestre halvdelen av haugen går ein fotsti.Haugen fk.nr. 1/2 ligg 25 m NO for den NV-legaste enden på langhaugen. Haugen har heller ujamne kantar men er tilnærma oval på skap, orientert NO-SV, største tverrmål er 10 m, høgd kring 1 m. Haugen er heilt tilgrodd med grastorv, men i austre kant stikk tre 60-90 cm store steinblokker i dagen. Haugen kan ikkje seiast å vere sikker gravhaug.