I sørlege del av ein 3,5-4 m lang og 1,4-1,75 m høg, loddrett bergvegg er det laga tre båtfigurar. Bergflata har ein del sprekker.Fig. 1 står lengst N, kring 0,9 m frå S-enden av bergveggen og 0,6 m over bakken. Båtfiguren er einlina. Kjøllina måler 27 cm, medan avstanden mellom toppen av stamnane er 42 cm. Den venstre stamnen er 22 cm høg, den høgre 18 cm.Fig. 2 står 15 cm S for fig. 1 og litt høgare opp på berget. Båten er tolina. Stamnlinene forbind kjølline og relingsline. Mellom kjøl og reling går det loddrette sambindingsliner. Stamnen til høgre er laga av ei dobbel samanbunden line. Vestre stamn er markert av 3 parallelle frittgåande liner. Kjøllina måler 34 cm, medan venstre stamn er 24 cm høg og høgre stamn 18 cm. Avstanden mellom kjøl og reling er 7-8 cm.Fig. 3 står ca. 15 cm under fig. 2 og litt nærare enden av bergflata. Båten er av same type som fig. 2. Største skilnaden er at venstre stamnline på fig. 3 er einlina. Båtfiguren måler 25 cm ved kjølen, venstre stamn er 20 cm høg og høgre 16 cm. Mellom kjølline og reling er det 7-8 cm.Alle tre figurane er prikkhogne med tydelege, kring 1 cm breie og 1 mm djupe liner. 2003: Feltet består av 3 båtfigurar på loddrett ca 1,5 m høg klippevegg. Bergflata er tilnærma rektangulær. Forma er uvanleg i området og skil seg ut frå dei omkringliggande svaberga. Klippeveggens lengde ca 3 meter. Bergflata er eksponert mot vest der det er omlag 50 meter til sjøkanten. Mot vest er ope hav. Området mellom feltet og sjøen er prega av delvis lyng og grasdekte svaberg. Mot aust er ei flate framfor foten av Ramnefjellet. Her er knausar og svaberg. Lyng og gras.