Gravhaugen, som vert kalla Nausthaugen, ligg på ei naturleg høgd i terrenget. Han er 14 m i tverrmål og kring 1,5 m høg. Han verkar avflata på toppen. Haugen er heilt grasvaksen. Kring haugen veks det no nokre store kirsebærtre. Haugen er relativt uklårt markert, då skiljet mellom den naturlege kulen og gravhaugen er vanskeleg å avgjera. Høgdemålet på gravhaugen blir derfor ikkje heilt utan tvil. Men staden er i alle høve godt synleg i lendet.