Helleren har trekanta tverrsnitt, slik at taket går som eit møne heilt nede frå golvet, men likevel slik at den sørlegaste veggen er den mest rettståande. Helleren er orientert O - V. Han er 8 m djup frå dråpefallet og inn til bakveggen, 3,5 m vid lengst framme, avsmalnande til 2 m lengst inne, 4 m høg ytst og 3 m inst.Veggene i helleren held fram i fjellveggen også eit stykke utanfor dråpefallet. Golvet er heller flatt. I den indre delen stikk fjellet i dagen innan den nordre halvdelen. Elles er golvet stort sett steinfritt og ein kan sjå "kulturjord" i overflata. Hellergolvet er tilvakse med bregnar. Rett utanfor helleropninga går lendet nedover i ei nokså bratt skråning. I denne skråninga og eit stykke vidare nedover mot sjøen ligg det heller tett med store steinblokker.