Feltet er mykje godt orientert N-S og dekkjer eit område på kring 35 x 25 m. Innan dette området ligg det 10-11 røyser. Dei er alle 2-3 m i tverrmål og under 0,5 m høge. Dei er bygde av 20-40 cm store steinar/blokker som delvis er mosegrodde/tilvaksne med grastorv. Ein del av røysene har søkk i toppen etter utkasting. På røysene veks det nokre lauvtre og einebusker. 1999: Feltet vart registrert av J. Aksdal, Hordaland fylkeskommune. 2005: Feltet vart kontrollert av A. Jenssen, Hordaland fylkeskommune. Fleire av røysane er mykje overgrodde. Traktorveg går gjennom den austlegaste delen av feltet og kan ha skadd somme av minna. Dei einskilde røysane vart ikkje målt inn med GPS.