Røysa er 8 m i tverrmål og kring 0,5 m høg sett frå S, der berget stikk fram i dagen. Røysa er noko uklårt markert i kantane, dels fordi berget ho ligg på er ujamnt og dels fordi ytterkanten av røysa er tilvaksen av lyng. Midt i røysa veks ein bjørkestuv og ein furustuv. Den sentrale delen av røysa er tilvaksen med mose og torv, og her verkar røysa urørd. Elles er røysa ein del utkasta og her ligg 20-50 cm store steinar/blokker nakne i dagen.