Røysa er om lag 16 m i tverrmål og knapt 2 m høg. Ho er bygd av 10 - 50 cm store steinar/blokker. Røysa er no mykje utkasta. Ho har eit stort sår i nordre og eit i søre kant. Røysa er ikkje tilgrodd.
Skildring frå Per Fett 1950: Førhistoriske minne på Sunnmøre - Skodje prestegjeld, s. 9:
2. Røys snautt 100 m N for 1 på bnr. 15, 30 m frå sjøen. 22 m i tvm., no ei 1,5-2 m høg. Midtpartiet er omrota, og det er eit djupt sår inn frå søre kant, elles er kantane urøyvde og høgare enn midten. Samtidig er det ikkje likt til at stein er ført bort frå røysa - her er t.d. utgrunt så båtar ikkje kan kome inn og ta ballaststein - så ei samanlikning mellom overflatevinkelen på kantane og den steinmengda som faktisk ligg her, må føre til at ein må rekne opphavleg krater i denne røysa.