Frå Aksdal 2004: Haugen er i dag 11 m i tverrmål og vel 1,75 m høg. I 1838 var haugen heile 17 m i tverrmål og var i følgje Stuwitz svært utkasta med ein stor jordfast stein i midten. Den jordfaste steinen er framleis synleg i dag og dannar i dag den SV sida av haugen. Haugen må såleis ha strekt seg lenger ut mot det som i dag er parkeringsplass. I dag står det ei flaggstang midt oppe på gravhaugen. Gravhaugen er den sørvestlegaste av ein gravflokk på bakkebråtet ned mot Sæbøvika. I alt har det vore tolv røyser/haugar og eit gravalter i området (Fett 1965). I dag er det berre to kulturminne att.