Røysa fk.nr. 8/1 er ca. 13 m i tverrmål og sterkt utkasta og omrota. Ein del stein ligg synleg i dagen, mest i nordlege og austlege del. Elles er steinane delvis dekte av mose og lyngtorv. I sentrum av røysa er det kasta innpå greiner og ris. Kring røysa veks furu og blanda lauvskog.Røysa fk.nr. 8/2 ligg ca. 10 m VSV for fk.nr. 8/1. Ho er 11 m i tverrmål og ca. 1 m høg. I austlege del er røysa sterkt utkasta og markeringa er her uklår. Tjukk mose- og lyngtorv dekkjer røysa, men mosegrodd stein er synleg i austlege del. Tett O for røysa veks furu og blanda lauvskog som breier seg inn over austlege kant av henne.Røysa fk.nr. 8/3 ligg ca. 20 m NV for fk.nr. 8/2. Ho er 15 m i tverrmål og opp til 2 m høg, og sterkt utkasta. I midten av røysa er det eit ca. 1 m djupt og ca. 3 m vidt søkk, og i sørlege del eit stort sår, begge stader ligg mosegrodd stein synleg i dagen. Det veks einer og rogn på røysa og furu, gran og rogn kring henne.