Røysa er om lag 10 x 6 m, orientert O-V og kring 1 m høg. Røysa har opphaveleg vore ei rundrøys, men no er heile søre kanten borte. Det er dessutan eit innbrot frå S inn i nordre del av røysa. Røysa må difor seiast å ha hesteskoform. Kantane som ligg att er heilt dekte med gras- og lyngtorv, men i nordre og austre kant er ho noko avskava slik at røyssteinen syner. Nokre steinar/blokker, 20-50 cm store, ligg lause på kantane. Desse må vere innpåkasta, men kan stamme frå røysa opphaveleg. I nordre kant veks nokre rognetre. Røysa syner godt i lendet, men er heller uklårt markert.Om lag 75 m O for røysa R 4 ligg botnlaget av ei lita røys på eit bakkenes, 10 m N for den gamle buførevegen. Røysa ligg på gnr.142/10. Truleg er dette restar etter ei rydningsrøys, men ein kan ikkje sjå bort frå at det kan ha vore ei gravrøys.