Nykkhedlar er ein stor heller under fast fjell på vestsida av Sirdalsvatnet. Berggrunnen inneheld kleber, både under helleren og i fjellsida til venstre for helleren, og denne mjuke bergarten har i lang tid vore brukt til m.a. fiskesøkkjer av folk på gardane rundt vatnet. Før stod vatnet heilt opp til golvet, men vatnet er blitt lågare på grunn av regulering. --- Rundt 1990 fann Bjørn Ådneram ein kvass-stein (eit bryne av naturstein) under helleren. Brynet er 36,5 cm langt og 3 x 2,5 cm breitt og kjem truleg frå brynesteinsgruva i Eidsborg i Telemark. Brynet var stukke inn i ei røys ved foten av den endestaven som står inne i helleren.