Flata med lokaliteten vert avgrensa av bratte berghamrar i O og NO, i V og SV av myr. Heile flata er tilplanta med gran. Fem prøvestikk på den nordlege delen av flata var alle funnførande. Frå underkant av torvlaget og 5-10 cm vidare nedover vart det i alle fem prøvestikka påvist eit sterkt trekolhaldeg lag. I toppen av dette laget vart det funne nokre få avslag av kvarts. Ein serie med prøvestikk vidare utover flata synte at det markerte trekolhaldege laget held fram samanhangande minst 60 m i sørleg retning og i ei breidde på kring 15 m, dvs. eit areal på minimum 900 m2. På den nordlege delen av flata innan eit areal på kring 200 m2 vart det dessutan gjort funn i den øvre delen av eit underliggjande minerogent lag. Her vart det funne kjernar og avslag av flint, rhyolitt og kvarts, eit funnmateriale av ein heilt annan karakter enn i det overliggjande laget.