I nordvestre kant av haugen fk. 2/4 er det bygd ein uteflor. Haugen ligg på ein knaus der fjellet stikk i dagen i aust. Haugen er 6-8 m i tverrmål og knapt 1 m høg. Haugen er bygd av jord og stein og er for det meste tilvaksen med grastorv, men 40-50 cm store steinar/blokker stikk i dagen over det heile. Haugen fk. 2/5 ligg 5 m sør for fk. 2/4. Han er kring 8 m i tverrmål og 0,5 m høg. Han er bygd av jord og stein og er i dag tilvaksen med grastorv. Kring kantane stikk steinar/blokker i dagen. I toppen er eit 4 m vidt søkk etter tidlegare utkasting.