Det vart teke to prøvestikk, eit på kvar side av bekken. Prøvestikka var 25 x 25 cm store. Massane vart gjennomgått med graveskei. Prøvestikk A vart teke 3 m V for bekken. Under eit 30 cm tjukt torvlag var det eit grått sandlag med småstein og spreidde kolpartiklar. 10 cm ned i sandlaget var det større steinar slik at ein ikkje kom djupare. Funna vart gjort i underkant av torvlaget og i sandlaget. Prøvestikk B vart teke 4 m O for bekken. Under eit 15 cm tjukt torvlag var eit grått sandlag med småstein og spreidde kolpartiklar. Sandlaget kunne følgjast 15 cm nedover til det kom større steinar. Funna låg i sandlaget.