Tufta 30 A er relativt godt synleg, men vanskeleg å avgrensa mot SV på grunn av tett vegetasjon. Med dette atterhaldet vart tufta målt til å vera 7,4 x 6,5 m i ytre mål, orientert NV-SO. Veggvollane er 0,6-1 m breie og 0,2-0,4 m høge, bygde av løftestor rullestein. Veggen mot sjøsida tykkjest vera mykje utras og ut frå steinmengda her må denne veggen ha vore monaleg høgare en dei andre. Eit prøvestikk inne i tufta gav ikkje funn av korkje kulturlag eller gjenstandar.Tufta 30 B ligg 8 m NV for tuft 30 A. Dei ytre måla er 4,3 x 4 m, orientert NV-SO. Tuft B er bygd som tuft A. I eit prøvestikk inne i tufta vart det påvist trekolbitar 40 cm ned i undergrunnen.