Samlinga er 45 m lang og 15-20 m brei, orientert NNV-SSO. Røysa fk.nr. 2/1 ligg lengst i N. Ho er 4 m i tvm., 1/4 m høg og har ei 1,5 m vid og 0,5 m djup grop i midten. Røysa er heilt tilvaksen med mose og lyng, berre toppen av to-tre steinar stikk i dagen, men elles kan ein merka steinane under vegetasjonsdekket heile vegen rundt.Røysa fk.nr. 2/2 ligg kant i kant med nr. 1, SSO for henne. Av denne røysa er berre tufta att, men ein kan fylgje ytterkanten bra heile vegen rundt og tvm. er 14 m. Berre i S og N står noko meir att av kantane og høgda av N-re kant er knapt 1 m. I S-e kant ligg nokre 10-40 cm store steinar/blokker i dagen. Røysa er elles heilt tilgrodd med mose og lyng.Røysa fk.nr. 2/3 ligg 10 m SSO for nr. 2, på S-sida av stigen. Ein kan fylgje ytterkantane det meste av vegen rundt med unnatak av i SV. I N og NO er kanten kring 1 m høg. Røysa har truleg vore kring 10 m i tvm. Ho er sterkt utkasta mot SV, slik at røystufta hallar den vegen. Røysa er elles heilt tilgrodd med mose og lyng.