Deler av lokaliteten inneheld to funnførande lag. Det underliggjande laget har ei utbreiing på 142 m2, er 50 cm tjukt og har karakter av kulturlag. Det overliggjande laget strekker seg monaleg vidare i det utbreiinga er 386 m2. Dette laget har også karakter av kulturlag og er 71 cm tjukt. I desse to laga vart det samla funne 980 funneiningar, med hovudtyngda i det overliggjande laget. Avslag var den dominerande funngruppa, men her vart m. a. funne168 fragment av brende bein, fem keramikkskår, to pilespissar av skifer, tre tangepiler av rhyolitt, ei slipeplate av sandstein og i det underliggjande laget m. a. eit fiskesøkke av kleber.