Av røysa er det no berre att nokre få steinar i søre kanten. Steinane er kring 30-40 cm med unntak av ein på kring 50-60 cm. Det ligg også to heller i søre kanten, den eine kring 2 m lang, kring 45 cm brei og frå 5-10 cm tjukk. Den andre er kring 1,50 m lang, kring 70 cm brei og frå 5-10 cm tjukk. Det er også ein tredje helleliknande stein her, 1,10 m lang, 30 cm brei og frå 10-15 cm tjukk. Alle desse måla må reknast som usikre avdi hellene er delvis dekte av lyng og mose. Heilt i utkanten av røysa i S ligg fire mindre, helleliknande steinar. Desse har eit tverrmål på 40-50 cm og er kring 5-10 cm tjukke. Den eine av desse har ei grop, 9 x 7 cm i tverrmål og kring 3 cm djup. Det er noko uklårt om denne gropa er naturleg eller laga av menneske.