I den NV-SO-gåande bergveggen skjer det seg inn ei N-S-gåande kløft. Den vestre veggen i kløfta reiser seg loddbeint 8-10 m høg. Lengda på denne veggen er 15 m. Lengst inne går veggen vinkelbeint mot O. Breidda på denne "endeveggen" er 6 m. I vinkelen dannar det seg ei 4 m vid og 5 m djup hole. Hola er 3,5 m høg. Golvet i hola er flatt, dekka med jord og småstein lengst inne og grastorv lengre ute. Austre veggen i hola skrånar innover ned mot golvet. Heilt inntil denne skrånande veggen ligg ei 2,5 m lang og 0,8 m høg blokk. Framanfor holeopninga ligg ein lett skrånande grasvaksen bakke langs den loddbeine vestveggen i kløfta. Ved sørenden av denne veggen flatar grasbakken ut og her er eit 4 m vidt, 2 m djupt og 1,5 m høgt overheng som kan karakteriserast som ein liten heller. Herfrå fell lendet bratt ned mot eit mindre myrdrag.