Lokaliteten Snekkevik 17 er den austlegaste av dei to lokalitetane i samlinga og ligg knappe 5 m V for lokaliteten Snekkevik 15, 7,5 m o. h. Lokaliteten har ei utstrekning på 59 m2 og eit funnførande lag av grus som er 55 cm tjukt. Her vart funne slipeplate av sandstein, tre pimpsteinar med slipefure, tre kjernar og sytti avslag av åtte ulike råstoff. Lokaliteten Snekkevik 20 ligg vest for og heilt inn til lok. 17 og strekker seg ned til bekken som renn her, berre 4,5 m o. h. Lokaliteten har ei utstrekning på 27 m2 og det funnførande laget som er samansett av grus, er 17 cm tjukt. Her vart funne ei sterkt vitra bergartsøks, eit stykke av ein slipt bergartsgjenstand og tretti avslag og bitar av fem ulike råstoff.