1) Den vestre helleren vender mot NNV. Den er djupast i midten, der overhenget stikk ut 2,5 m. Høgda opp til hellertaket v/dråpefallet er 2,5 m på det meste. Mot sidene vert overhenget kortare og lågare. I botnen ligg store blokker. Desse kom til syne etter utgravinga i 1957. 2) I den austre helleren er veggen meir loddrett enn i den vestre, slik at han er grunnare og høgre. Hellergolvet er berre helvta så stort som golvet i den andre helleren. Opninga vender mot NNO. Framfor hellerane går ein liten dal ned til Grimstadpollen. Hellerane har følgjande mål: 1) 7,5 m brei, 2,5 m høg og 2,5 m djup. 2) 2,4 m brei, 3 m høg og 1,8 m djup. Begge er orienterte O-V.