Samlinga som inneheld ei langrøys og to rundrøyser, har ei utstrekning på ca. 100 m Ø-V, ca. 20 m N-S.Lengst i V ligg Fetts fk. nr. 4, her markert som røys1) Langrøys, orientert Ø-V, uklart markert og svakt synleg grunna tilvaksing, bygd for det meste av løftbar rundkamp og brotstein. Fleire småkrater i røysa som i fylgje Hans Reksnes er utkasta dei siste par åra. Gravskjendarane har m.a. leita etter kvit kvarts som er lagd i små dunger på røysa. Røysa er lyng-og einerkledd med ein del spreidd lauvskog. Mål er vanskelege å fastslå grunna vegetasjonen. Lengde ca. 35 m, breidde opptil 10 m, høgde ca. 1,5 m.Ca. 25 m Ø for 1:2) Rund steinpakking, etter alt å døma gravrøys, klart markert, men svakt synleg p.g.a. skog og kratt. Fotkjede som er bygd av dels svært stor rundkamp. Einer i midten. Diameter 4 m, høgde 0,3 m.Ca. 8 m Ø for 2:3) Rund gravrøys, klart markert, men svakt synleg p.g.a. skog og kratt. I ytterkantane av røysa ligg store jordfaste steinar. Røysa verkar omrota, bygd av både større og mindre rundkamp. Einer- og krattkledd. Diameter ca. 8 m, høgde ca. 0,5 m.