Fk.nr. 10/1, Blimshaugen, ligg øvst oppe på ryggen 20 m O for ei hytte. I heile den nordlege halvdelen av haugen ligg kantane klårt, 2-25 m høge sett utanifrå. På innsida av kantane ligg eit 1-1,5 m djupt og 14 m vidt søkk. I den nordlege og nordaustlege delen av dette søkket er det to nedskjeringar, der ein i kvar kan sjå ei hellekiste. I NV del av søkket ligg ei tredje hellekiste og endeleg ei fjerde om lag midt i. Tverrmålet på denne nordlege halvdelen av haugen er 33 m. Heile den sørlege halvdelen av haugen er på det næraste utjamna og søre kant vert skoren av den oljegrusa vegen fram til hytta. Haugen er tilvaksen med tjukk grastorv.Haugen fk.nr. 10/2 ligg 3 m SO for 1. Han er 15 m i tverrmål og knapt 1 m høg i NO, men er elles sterkt avskaven og flat oppå. Han er tilvaksen med tjukk grastorv.Bautasteinen fk.nr. 10/3 står 5 m SSO frå kanten av haug nr. 2. Steinen ris 170 cm over bakken. Han er 60-70 cm brei, avsmalnande mot toppen og 15-30 cm tjukk. Steinen hallar noko mot SV.